ភ្នំពេញ៖ ព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានផ្ញើព្រះរាជសារទៅកាន់ប្រធានាធិបតីសហរដ្ឋអាមេរិក លោក ចូ បៃដិន អបអរសាទរខួបលើកទី២៤៦ នៃទិវាឯករាជ្យជាតិសហរដ្ឋអាមេរិក ថ្ងៃទី៤ ខែកក្កដា ឆ្នាំ២០២២។

នៅក្នុងលិខិតនេះ ព្រះមហាក្សត្រមានព្រះរាជបន្ទូលលើកឡើងថា៖ «ព្រះរាជាណាចក្រកម្ពុជាយកចិត្តទុកដាក់យ៉ាងខ្លាំងចំពោះទំនាក់ទំនងរបស់ខ្លួនជាមួយសហរដ្ឋអាមេរិក។ សូមឱ្យចំណងមិត្តភាព និងកិច្ចសហប្រតិបត្តិការដ៏យូរអង្វែងរវាងប្រជាជាតិយើងត្រូវបានពង្រឹងបន្ថែមទៀតដោយការប្តេជ្ញាចិត្ត ក្នុងការបន្តធ្វើការជាមួយគ្នាដើម្បីសុខុមាលភាពរបស់ប្រជាជនទាំងពីរ»។

ចុងក្រោយព្រះករុណា ជាអម្ចាស់ជីវិតតម្កល់លើត្បូង បានថ្វាយព្រះពរ លោកប្រធានាធិបតី ចូ បៃដិន ឱ្យមានសុខភាពល្អ សុភមង្គល និងរីកចម្រើនជានិច្ចនិរន្តន៍។

គួរបញ្ជាក់ដែរថា សហរដ្ឋអាមេរិកបានប្រកាសឯករាជ្យរបស់ខ្លួននៅថ្ងៃទី៤ ខែកក្កដា ឆ្នាំ១៧៧៦ ដោយបានអនុម័តដោយសភាទ្វីប ដោយសេចក្តីប្រកាសនេះជាការបំបែកអាមេរិកខាងជើងចំនួន ១៣ចេញពីអាណានិគមចក្រភពអង់គ្លេស ៕